Ekintzailetzarekin loturiko albiste eta joera berrienak ezagutu nahi badituzu, ekiteko asmotan bazabiltza edo bidea hasi baduzu, erreserbatu azaroaren 29tik abenduaren 3ra arteko astea! Inspiratzen, Bizkaiko ehun ekonomikoa hobeto ezagutzen, zure inguruneak eskaintzen dituen ekintzailetza aukerak aurkitzen eta, azken batean, erabakiak ezagutza handiagoarekin eta arrakasta perspektibekin hartzen lagunduko dizuten gaurkotasun handieneko gaiei buruzko jarduera interesgarriak diseinatu ditugu.

Hainbat gairi buruz hitz egingo dugu: erronka sozialak, adina, generoa, hirien eraldaketa, klima aldaketa eta jasangarritasuna; joera sozioekonomikoak eta ekiteko aukerak ezagutuko ditugu, beren garapen profesionalerako ekintzailetzaren aldeko apustua egin duten kolektiboei entzungo diegu, inspirazioa aurkituko dugu beren talentua eta sentsibilitatea inguruko gizartearen zerbitzura jarrita askotariko proiektuen bidez ekintzailetzan murgildu diren pertsonen testigantzetan… Galdu egingo duzu?